ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
2024 წლის 27 თებერვალს თსუ-ის იურიდიულმა ფაკულტეტმა გამართა შეხვედრა მაქს ვებერის ფონდის (MWS) წარმომადგენლებთან.
თსუ-ის იურიდიული ფაკულტეტის დეკანის მოადგილემ ასოცირებულმა პროფესორმა გიორგი დგებუაძემ ფონდის წარმომადგენლებს გააცნო ფაკულტეტის საქმიანობა და დაგეგმილი ღონისძიებები. შეხვედრაზე განსაკუთრებული ყურადღება გამახვილდა სამეცნიერო-კვლევითი საქმიანობის განვითარებაზე.
მაქს ვებერის ფონდის საქართველოს ოფისის დირექტორმა ანდრეას ჰილგერმა თსუ-ის იურიდიული ფაკულტეტის აკადემიურ პერსონალს მიაწოდა ინფორმაცია ფონდის საქმიანობის შესახებ; მკვლევართა და სტუდენტთა მოკლევადიანი გაცვლითი პროექტების, ერთობლივი საგანმანათლებლო საქმიანობის - ლექციების, ვორქშოფების ან სხვა აკადემიური აქტივობების განხორციელების შესახებ.
შეხვედრისას მხარეებს შორის დაიგეგმა თანამშრომლობის სამომავლო მიმართულებები, აგრეთვე მემორანდუმის გაფორმება, რაც მნიშვნელოვნად შეუწყობს ხელს იურიდიული
ფაკულტეტის სამეცნიერო საქმიანობასა და მის ინტერნაციონალიზაციას.
შეხვედრას ესწრებოდნენ პროფესორი პაატა ტურავა, ასისტენტ-პროფესორი მარიამ ხოფერია, ასისტენტ-პროფესორი სულხან ონიანი, მოწვეული ლექტორი, სამართლის დოქტორანტი მარიკა ტურავა, კიოლნის უნივერსიტეტისა და თსუ-ის საერთო სამაგისტრო პროგრამის „LL.M. Köln“ კოორდინატორი მარტინ პიაცენა, დეკანის აპარატის მთავარი სპეციალისტი რუსუდან ცაგარელი.
